ژوند به مې بدل شي او قــصې به نورې نورې شي
څه به وشي؟ ســـتا د محبت تور که راپورې شي
څه به وشي ســـــتا په عاشقانو کې حساب که شم
ما باندې به هــــم ستا د خواږه محبت سیورې شي
زړه بې محــــــــــــــــبته لکه کاڼی د سحــــرا داسې
ژوند بې محبته خــــــو دې هسې په اور پورې شي
هـــــــــلته به دیدن ستا د سپیڅلي حسن وکــــړمه
سترګې م که سـتا د دروازې په خاکروب تورې شي
لاړ شم مـــــــدینې ته صحابه وي او جانان مې وي
سر چې کړم را پورته ټولې هـــیلې م نسکورې شي
څوک چې ستا له پاکې او خــوږې مینې انکار کوي
هغه زړه دې وچــوي هغه سترګې دې شبکورې شي
غــــــــــواړي له (عاکف امارتي) نه د جانان سترګې
هسې یې دا هــــــــــــیلې عجيبه کله سرزورې شي
No comments:
Post a Comment