غزل
کـــــــــه جـامـي مـې د بخمـل دي خـو د بـل دي
انـدامـــــــــونـه پـکښـې خپـل دي خـو د بـل دي
د ملګــــــــــــــــــــرو نـه پټيـږم پـۀ اختـر کښـې
قیمتـي زمــــــــــــــــــــا چپـل دي خـو د بـل دي
زمـا نـوم ســـــــــــره ئـي هسـې نـوم بـدنـام دي
شنـه بـاغــــــــــــــونـه د کابـل دي خـو د بـل دي
بنګـړي ګـــران دي کـه ارزان دي خـو ستـا نشتـه
کـه پـۀ شــــل دي کـه پـۀ سـل دي خـو د بـل دي
او منـــــــــــــــم چـې د ليـلا ستـرګـې کمـال دي
بـې مثـالــــــــــــــــه بـې بـدل دي خـو د بـل دي
کـــــــــــه کاتـۀ ئـي پـۀ تـرتيـب دي د رقيـب دي
کـه ويښتــــــه ئـي ول پـۀ ول دي خـو د بـل دي
زۀ شلیـدلـي کـټ کښـــې سملـه ستـوري شمـاره
کــــــــــه خـوبـونـه پـۀ څنـګل دي خـو د بـل دي
کـه اوربـل کښـې ئـي سپـرلـي دي خو پـردي دي
کـــــــــــــــــه لبـان غـزل غـزل دي خـو د بـل دي
منظـــــــــــــــر هسـې د سـاقـي لاسـو تـه ګـوري
کـه پـۀ جــــــام کـه پـۀ بـوتـل دي خـو د بـل دي
No comments:
Post a Comment