دا غریب زړه خو مي په تامین دی
ستاپه ښائست ستاپه ښکلامین دی
حسن دي نلري مثال دلبره
ګلاب دي هم په تجلامین دی
دا چي هرڅه دي ځاره وي له نامه
دغه سړی خو په رِښتیا مین دی
بلال په ګرمو شګو ایښی سینه
خوند پری اَخَلي په اَقا مین دی
ځکه خبیب ودارته غاړه ورکړه
په ګران محبوب رسول الله مین دی
نسیم ته ورکړم د درودونو تحفې
چي کله درومې ستا پرخوامین دی
زه دي متهم شم دخپل یار په مینه
دلته خو هر څوک په یوچامین دی
رنګ یې الوتی له څهرې ښکارېږي
په تا رِښتیا ادیب مُلا مین دی
No comments:
Post a Comment