سترګوکې مې ستا د دید لمبه پرته ده څه وکړم
زړه کې مې بیخې تانده جذبه پرته ده څه وکړم
ستا د تورو سترګو له دیداره دي محروم نه شم
مړه راته د اوښکو جنازه پرته ده څه وکړم
زړه مې له زړه وتی دی له زړه پسې خپه یمه
ځکه مې دژوند بیړۍ چپه پر ته څه وکړم
څړیکې مې د مات وجود کاله کې په نڅاوو دي
اوس مې پر بدن د مرګ خطره پر ته ده څه وکړم
عشقه نا ارام دي کړم رنځور دې د کلونوکړم
نن راته پاره پاره سینه پر ته ده څه وکړم
اوس یو مهاجر او یو قلم څو د ارمان کیسې
یوه له شعرو ډکه کتابچه پر ته ده څه وکړم
No comments:
Post a Comment