PAshto Two Lines Poetry,

 درد مې اسوېلې کړه بيا که ځې نو ځه

ځان ته مې لوګې کړه بيا که ځې نو ځه

تۀ  او  بيا  راتلۀ  پۀ  عقل  ګرانه  ده

نن مې لېونے کړه بيا  که  ځې  نو  ځه

وويه  ريښتيا  که  خپلېدې  نۀ  شو

خېر دې ما پردے کړه بيا که ځې نو ځه

سترګو له مې لږ غوندې خوب راوله

ورکې شوګیرې کړه بیا که ځې نو ځه

مينه څۀ  ده  ګله  زۀ  اؤ  تۀ  څۀ  يو

پوئي مې لږ پۀ دې کړه بيا که ځې نو ځه

کېنه د صـابـر پۀ خواه کښې کېنه لږ 

ورکې ئې گیلې کڑہ بیا که ځې نو ځه