یم نـاقرار دیو چـا عـشق کې بـې سـکون ګرځمه
زه یې په مینه کې مجنون غوندي جنون ګرځمه
خــپل جــنونـتوب لـره کــوم دتـسـلـیـت خــبري
خـیر دی وصـاله که ملـګری دبــــــیلــتون ګرځمه
هــجر یـې واخیـسـتل زمـا له ژونـدانـه خوندونه
شـپه تـر سـهاره یې لـه غم سره شـبخون ګرځمه
نـن کـه پـراته مي پر څهره د سـتومـانۍ نښي دي
زه یـې په عشق کـې لَالَــهانـده لـه پــرون ګرځمه
زمـا او دیـار میـنـڅ کې څوکاله واټـنونـه پـراتــه
زه پـه عجـم کې لـه فراقـه یې محـــزون ګرځمه
زه سعیدمل:یمه ډیرخوښ یې په سپیڅلې مېنه
وربــانـدي ویاړمـه تري هـروختي مــمـنون ګرځمه
No comments:
Post a Comment