غزل
معتبره په زړګي پوري دي نيسم
بختوره په زړګي پوري دي نيسم
ستا د مينې خوشبويي ته ضرورت دی
معطره په زړګي پوري دي نيسم
زه مې خپل د زړه تياره په ختمومه
ځلاند لمره په زړګي پوري دي نيسم
ستا په عشق کې اثر پروت د جنتو دی
خوږ دلبره په زړګي پوري دي نيسم
چې لفظونه د غزل مې خوشبودارشي
مشک عمنبره په زړګي پوري دي نيسم
تل په زړۀ کې د الفت ملنګ آباد یې
د زړۀ سره په زړګي پوري دي نيسم
No comments:
Post a Comment